Luca Roncoroni tol n favá por ti dé strotöra a süa istalaziun, na costruziun de lëgn cun scalires da inlaota che gnô adorada, coche la etimologia nes cunta, da secé les faus. L’artist indere ne taca nia sö i cosi, mo na sort de pësc. Chësta incuntada danter döes cultures, la ladina dl post y la norvegeja, vá derevers a süa biografia, abitëia pö l’artist talian bele da dui agn tla Norvegia. Süa istalaziun ó porchël rapresenté n lian danter les döes realtés culturales, ince sce ël dij de se instës che al “resta n pësc fora d’ega”.   

 
 

Les Viles, Seres, Lungiarü

En ur dl Rü da Seres danter les viles de Seres y Miscì él gnü restauré y metü en funziun i vedli morins da paur. Do che chisc morins à sorvì por cënć de agn a alisiré i laûrs dla jënt y arjigné la spëisa fondamentala, ési al dedaincö ma plü testemoni de cô che i lüsc da paur ê autonoms tla vita y suravivënza. Da odëi a Lungiarü èl ćiamò cotan de viles da paur. Dlungia les viles da Miscì y Seres pàiel la mëia da jì inće a ćiarè les atres plü fora tla val, sciöche Lagoscel y Plans. Da cöstes viles él en bel panorama söl paîsc y söi crëps incëria. La Vila da Plans é da udëi t’en post solitar y chît amesa la natöra a 1350m.

 
Loc. 3. Les Viles, Seres PESCE FUOR D'ACQUA… Luca Roncoroni, Droebak, NO

Loc. 3. Les Viles, Seres
PESCE FUOR D'ACQUA…
Luca Roncoroni, Droebak, NO