La opera de Luca Chiesura é metüda sö amesa i pra vërc sön munt: ara se trata de na gigantografia de n fotogram tuta fora dal film “Night Shift” (1982) y stampada sön n material ecologich. Lassura vëigon n per che se tëgn toch te na vasca da bagn. Avisa por ti dé forma a sciöche l’artist instës se sënt ál chirí fora chësta imaja. Le retrat dess alzé fora la importanza dl orëi bun, dl amur y dl’amizizia. Surapró rapresentëia chësta opera ince n teorem de matematica por l’artist, che an pó desmostré te na manira scialdi concreta (scebëgn che al se basëies sön la matematica nia convenzionala): al vëgn a se le dé insciö n contrast – mo ince n raport de complementarieté – danter l’aziun conzetuala liada bëgn dassënn ala rajun y la pasciun por le plü liada a emoziuns y ala irazioanalité. 

 
 

Chi Jus, Antermëia

Söinsom Chi Jus olache al é la crusc a 2332 metri èl le punt olache la jënt che vëgn a pé da Antermëia sö y chëra che vëgn da Rina y da Lijun s’incunta. Val iade él avisa chisc posć manco conesciüs co scinca en panorama de morvëia. Chilò él le confin danter i comuns da Lijun, San Martin y Mareo.

 

Loc. 7. Chi Jus
THAT'S WHAT FRIENDS ARE FOR
Luca Chiesura, Belluno, ITA