SMACH.

Loc. 1
Strada de la Vena.

 

Strada de la Vena, Picolin y la vedla fujina dl vësco a Alfur - Picolin é ponü ite danter la strada vedla dla Val Badia y la "Strada da la Vena" (tru dl fer che portâ dales mineores Fursil/Col de Santa Lizia tla Val Badia), ći che é stè por plü secui tl tert dla Eté Mesana de gran importanza. Deplü frabicać storics y la capela de Sant Antone é testemoni dla strategia dl post por la Dlijia y i nobli. Dantadöt la Ćiasa dl Maier sciöche sënta dla aministraziun dla fujina dl vësco ia Alfur y la vila d’Alfur instëssa dess gnì tutes en conscideraziun. En ur dla strada dla Val Badia, söla trassa danter la Ćiasa dl Maier y Alfur, él gnü fat sö dan zacotan d’agn la staziun a val dla cabinovia "Piz de Plaies".

 
 

LE CORN.
Andrea Salvetti, 2013
Strada de la Vena.

TRA VISIBILE ED INVISIBILE.
Valeria Ambi, 2015
Strada de la Vena.

 
 
 

Loc. 2
Ciastel de Tor.

 

Le Ćiastel de Tor, San Martin - Aladô de stüdi dess avëi le paîsc da San Martin de Tor söes raîsc ti tëmps romans. Tòć de trus y termi a süd dla Dlijia al dedaincö po gnì passenà a n moto cuadrat de mosoraziun romana. La nominaziun "quadra" por chësta sort de spartiziun dl terac dess ester gnüda anuzada tl pröm ma por na spersa, spo plü tert por döta la Val Badia; la parora atuala "Gader", laôta "Kaidra", dess gnì da en insediamënt fat sö aladô de n moto roman. Tl ćiastel d’al dedaincö che va zoruch te val’ pert ai pröms agn dl 13ejim seco, él lascè jö le Museum Ladin.

 
 

"?".
Hubert Kostner, 2013
Ciastel de Tor.

CAMERA OBSCURA.
Mariano Dallago, 2015
Ciastel de Tor.

 
 
 
Screen Shot 2016-11-23 at 16.38.05.png

Loc. 3
Les Viles

 

Les Viles – Vila da Plans, Lungiarü - En ur dl Rü da Seres danter les viles de Seres y Miscì él gnü restauré y metü en funziun i vedli morins da paur. Do che chisc morins à sorvì por cënć de agn a alisiré i laûrs dla jënt y arjigné la spëisa fondamentala, ési al dedaincö ma plü testemoni de cô che i lüsc da paur ê autonoms tla vita y suravivënza. Da odëi a Lungiarü èl ćiamò cotan de viles da paur. Dlungia les viles da Miscì y Seres pàiel la mëia da jì inće a ćiarè les atres plü fora tla val, sciöche Lagoscel y Plans. Da cöstes viles él en bel panorama söl paîsc y söi crëps incëria. La Vila da Plans é da udëi t’en post solitar y chît amesa la natöra a 1350m.

 
 

LIÖSA.
Hans Martin Lützenburg, 2013
Les Viles, Val di Morins.

GADER GARTEN. Alois Steger, 2015 Les Viles, Plans.

GADER GARTEN.
Alois Steger, 2015
Les Viles, Plans.

 
 
 

Loc. 4
Munt d'Adagn.

 

Munt d’Adagn, Lungiarü - I omi y jogn dla Val Badia va da cënć agn incà vigni trëi agn en Jeunn. I badioć che vëgn da Juel caijö tol le tru cuntra Munt d’Adagn y passa sö por la Forcela da Furćia (2.293 m) iaijö Fonès, olache al röia adöm cun i Maroi y chi dla Val Badia Mesana. La Munt d’Adagn é n bel post panoramic con de bi prà floris d’isté y en bel mantel blanch d’invern.

 
 

ZËNZA TITUL.
Paul Feichter, 2013
Munt d'Adagn.

RALEGRËIETE, SCE TE STORJES PRO.
PALSA, SCE TE RESTES CHILÒ.
CUNFÔRTETE, SCE TE VAS INANT.

Barbara Tavella, 2015
Munt d'Adagn.

 
 
 
Screen Shot 2016-11-23 at 16.38.05.png

Loc. 5
Pares

 

Les Ćialdires y Pares, Lungiarü - Les fontanes tla val de Lungiarü é posć olache an sont na forza y energia particolara. Gonot tles vals ladines s’àl cherié liëndes y mîć incër rüsc y lêć ia. Chi che röia al dedaincö te chisc posć s’intënn ci belëza che al é inćer nos ia.

 
 

RIFLESSI DEL CIELO.
Kei Nakamura, 2013
Pares.

CAMERA RÉFLAX.
Peter Chiusole, 2015
Pares.

 
Panoramaphoto by www.ladinia.it

Panoramaphoto by www.ladinia.it

 

Loc. 6
Pra de Pütia.

 

Pra de Pütia, Cialneur - I Prà de Pütia a nord dl gran massif é na gran estenjiun sugestiva fora por dötes les sajuns. Chilò ne passa nia ma le tru por la Roda de Pütia, i paurs laora ti prà y ti bosć y i amanć dla natöra po s’archité sides d’invern co d’isté a na palsa y le chît. Al post sön tru danter Börz y Sespütia, ti dijun Roa dl Maier, olache an vëiga la belëza de Pütia y olache an po udëi n valgönes dles formaziuns geologiches plü importantes dles Dolomites.

 
 

PANORAMA BRAILLE.
Patricia Gilyte, 2013
Pra de Pütia.

GRATWANDERN.
Marco Contino e Martin Verdross.
Pra de Pütia.

PANORAMA_PÜTIA_HDR.JPG.
Simon Perathoner, 2015
Pra de Pütia.

 
 
 
Screen Shot 2016-11-23 at 16.38.05.png

Loc. 7
Chi Jus.

 

Chi Jus, Antermëia - Söinsom Chi Jus olache al é la crusc a 2332 metri èl le punt olache la jënt che vëgn a pé da Antermëia sö y chëra che vëgn da Rina y da Lijun s’incunta. Val iade él avisa chisc posć manco conesciüs co scinca en panorama de morvëia. Chilò él le confin danter i comuns da Lijun, San Martin y  Mareo.

 
 

TERMO I TERMINUS I GRENZSTEIN.
Stefano Cagol, 2015
Chi Jus.

 
 
 
 

Loc. 8
Fanes.

 

Fanes - La Munt de Fanes se sleria fora amesa de gragn massifs, danter chi ch’al é nasciü les liëndes che cunta avisa de chisc posć. Formaziuns de crëp straordinares ti mostra al viandant corius sües formes umanes demorvëia. Na palsa tl parlamënt dles muntagnoles le lascia tó pert ales discusciuns de chisc tiers totemics dl Rëgn de Fanes da n iade, chël ch’an aspeta tres ciamó ch’al nasces indô.

 
 

Fanes (Source Wikipedia).

Fanes (Source www.mountainfree.net).

Fanes (Source www.bergwelten.com).

 
 
 
Screen Shot 2016-11-23 at 16.38.05.png

Loc. 9
Senes

 

Senes - L’altöra de Senes é da ciafé tla pert nord dles Dolomites y fej pert dl Parch natural Fanes-Senes-Braies y dal 2009 incá dl Patrimone Mondial dl’UNESCO. La munt che vëgn dötaurela manajada tratan i mëisc da d’isté, se sleria fora a pe di crëps incëria pro chi ch’al alda Muntejela de Senes, Sas dla Porta y Crëp Alt dala pert cuntra ost.

 
 

Sennes (Source www.sennes.com).

Sennes (Source www.sennes.com).

 
 

Loc. 10
Plan de Corones.

 

Plan de Corones - Plan de Corones é n post conesciü tl setur turistich, dantadöt da chi che vá coi schi. Al é n col a forma de „panetun“ de origina vulcanica che caraterisëia le raiun de confin dles Dolomites cuntra nord-vest. Plan de Corones é n col scialdi ampl y porchël pón odëi dër bun dötes les munts incëria. Dal 2015 incá él lassö la sënta de un di museums dla munt fac sö dal arpizadú estrem Reinhold Messner. L’inom „Plan de Corones“ recorda l’incoronaziun liendara dla prinzëssa Dolasila, combatënta corajosa dles liëndes ladines.

 
 

The Messner Mountain Museum at the top of Plan de Corones.

View from the top of the Plan de Corones (Copyright: Mauro Tonti)

 
 
 
Screen Shot 2016-11-23 at 16.38.05.png

Mëna ite to laur!
Deadline: 19 de merz 2017.

 
 

Iscriziun al concurs internazional SMACH - Chilò dessot le link por desciarié le formular por l'iscriziun al concurs. Le formular mëss gnì compilé y menè ite a info@smach.it adöm al material visif de to laur (fotografies, dessëgns, renderings etz.).