Tl intervënt de Ilyn Wong site specific vëgnel cují pro le terac cun fis de lana cöci, intënc te na manira naturala. L’artista á chirí fora formes geometriches por recordé les formes tradizionales dl artejanat alpin, che cunta de ëres che cuj fora y de sartorësses. Cují fora se trasformëia insciö te na combinaziun danter l’artejanat artistich y la inovaziun dl’ert contemporana – impede l’aodla y le fi, incastrá ite dala cornisc o dal torá, se tol l’artista döta la liberté ia por tera. Le resultat é n contrast danter i fis naturai dl’erba y le fi de lana. Le spetadú dialoghëia – ince sce ma ti pinsiers – cun la storia che se ascogn iadô chësta tradiziun.       

 
 

Pra de Pütia, Antermëia

I Prà de Pütia a nord dl gran massif é na gran estenjiun sugestiva fora por dötes les sajuns. Chilò ne passa nia ma le tru por la Roda de Pütia, i paurs laora ti prà y ti bosć y i amanć dla natöra po s’archité sides d’invern co d’isté a na palsa y le chît. Al post sön tru danter Börz y Sespütia, ti dijun Roa dl Maier, olache an vëiga la belëza de Pütia y olache an po udëi n valgönes dles formaziuns geologiches plü importantes dles Dolomites.

 

Loc. 6. Pra de Pütia, Börz
STITCHED EARTH
Ilyn Wong, Berlin, D