Le laur de Gaia Lionello se dá jö te na manira dër tlera cun la tematica dl contrast danter la natöra y la industria. Ara se trata de na istalaziun metüda adöm da dejenü ciüc de fira de spidl, depënc a fosch y che forma n triangul. Le tai rodunt dles taies dá da intëne sciöche le terac vëgn sfruté zënza seleziun, deperpo che le titul descëda te nos i recorc dl gran bosch germanich che é gnü toché da na gran möria. Ince danter la forma triangolara y les formes dla natöra él n contrast evidënt. Defrunt a chësta opera ne se restel nia ater co ponsé sura sön n argomënt atual, tolon sö tl medem momënt na certa responsabilité en cunt di mudamënc climatics dl momënt.    

 
 

Plan de Corones, Mareo

Plan de Corones é n post conesciü tl setur turistich, dantadöt da chi che vá coi schi. Al é n col a forma de „panetun“ de origina vulcanica che caraterisëia le raiun de confin dles Dolomites cuntra nord-vest. Plan de Corones é n col scialdi ampl y porchël pón odëi dër bun dötes les munts incëria. Dal 2015 incá él lassö la sënta de un di museums dla munt fac sö dal arpizadú estrem Reinhold Messner. L’inom „Plan de Corones“ recorda l’incoronaziun liendara dla prinzëssa Dolasila, combatënta corajosa dles liëndes ladines.

 

Loc. 8 Plan de Corones
FORESTA NERA
Gaia Lionello, Mestre, ITA