La scoltöra de lëgn dl artist Fabiano De Martin Topranin é gnüda posizionada sön Fanes, n post che ascogn mic y liëndes ladines. Süa opera ne á nia da nen fá cun les figöres ispirades a chësta tradiziun, mo ara se trata de n astronaut, che ó descurí nosc planët. Da chësta coriosité pón sintí fora cun na ironia lisiera che ara nen vá de nosc dejider zënza fin da inrescí le forest, i atri planëc y ci che é dalunc. Dan da chësta odüda ti ciarunse indô cun gran morvëia ales formaziuns corioses di crëps dolomitics che respidlëia de vigni sort de figöres imaginares y ala munt che nes recorda de püch la contrada dla löna. La linsa dant refletëia le monn da defora: döt ci che i odun se radoplëia y se perd tla contrada sublima incëria.      

 
 

FANES, Mareo

Fanes - La Munt de Fanes se sleria fora amesa de gragn massifs, danter chi ch’al é nasciü les liëndes che cunta avisa de chisc posć. Formaziuns de crëp straordinares ti mostra al viandant corius sües formes umanes demorvëia. Na palsa tl parlamënt dles muntagnoles le lascia tó pert ales discusciuns de chisc tiers totemics dl Rëgn de Fanes da n iade, chël ch’an aspeta tres ciamó ch’al nasces indô.

 

Loc. 9. Fanes
SPACE DAYS
Fabiano De Martin Topranin, Bolzano, ITA