Te süa istalaziun á David Duzzi metü fora n valgügn scagns da pona amesa le bosch, te chi che al ti á foré n büsc danterfora avisa olache an mët le ce. Insciö pón ti ciaré al funz dl bosch che é sotite. Chësc laur vá derevers al pinsier da confronté la natöra macro – chëra che i perzepiun de plü (coche les niores, les munts, i lëgns) – cun na sort de natöra che an pó definí “micro”, che contëgn de vigni sort de chefri, müstl, barbücia, fonguns y d’atri elemënc che ne toma nia atira tl edl. Mo a chësta vitalité de n monn sot le bosch ti röion ma pormez sce an se tol dlaurela da se pone jö y da se lascé condüje insciö te n univers oramai paralel.   

 
 

Les Ćialdires y Pares, Lungiarü

Les fontanes tla val de Lungiarü é posć olache an sont na forza y energia particolara. Gonot tles vals ladines s’àl cherié liëndes y mîć incër rüsc y lêć ia. Chi che röia al dedaincö te chisc posć s’intënn ci belëza che al é inćer nos ia.

 

Loc. 4 Pares
OSSERVATORIO DEL SOTTOBOSCO
David Duzzi, Bolzano, ITA