L’artist Adam James á chirí fora la direziun dla perfomance y definësc so laur na “istalaziun de scoltöres”: al dess ester n esperimënt por stabilí n dialogh cun le publich. L’artist tënn fora te na ütia de lëgn guanc de guma-scaia dai corusc scraiënc y inviëia la jënt da se i vistí. Le spetadú se trasformëia insciö te n monumënt viandant y tl medem tëmp tl creadú y protagonist de na storia nia ciamó rovada, deperpo che al vijitëia le museum o spazirëia fora por la natöra. Le contrast vëgn a se le dé tres les antinomies de forma y de contest, che tira al’assurdité. Le punt zentral de chësc proiet é propi la osservaziun dla sensibilité por l’oget. Vignun y vignöna dess fá para, insciö descëda l’artist la coriosité da fotografé o da registré y da partí chëstes esperiënzes tres l’hashtag #thepaleexchange. Döt ci che gnará publiché dai vijitadus sará na pert dl’opera finala.   

 
 

Le Ciastel de Tor, San Martin

Aladô de stüdi dess avëi le paîsc da San Martin de Tor söes raîsc ti tëmps romans. Tòć de trus y termi a süd dla Dlijia al dedaincö po gnì passenà a n moto cuadrat de mosoraziun romana. La nominaziun "quadra" por chësta sort de spartiziun dl terac dess ester gnüda anuzada tl pröm ma por na spersa, spo plü tert por döta la Val Badia; la parora atuala "Gader", laôta "Kaidra", dess gnì da en insediamënt fat sö aladô de n moto roman. Tl ćiastel d’al dedaincö che va zoruch te val’ pert ai pröms agn dl 13ejim seco, él lascè jö le Museum Ladin.

 

Loc. 2. Ciastel de Tor
THE PALE EXCHANGE
Adam James, Margate, UK