SMACH.
 

Costelaziun de ert, cultura y
storia tles Dolomites, 2017

 
 
 
 
 
ALUG_Gustav-Willeit_IMG_8226_GW_2.jpg

Le proiet.

 

SMACH é na costelaziun d’ert, de cultura y de storia tles Dolomites. Al é na mostra alaleria che s’anuzëia dl binom „ert y natöra“, olache chësta ultima pita la lerch por les performances proietades y ideades sön mosöra por i posc´ desvalis. Ara se trata de n concurs d’ert internazionala, rové en chësc ann a süa terza ediziun. I artisc chiris fora á metü fora sües istalaziuns te 9 sic de relevanza storica y culturala di comuns de San Martin de Tor y de Mareo. Les operes d’ert á le fin da descedé l’interes por la ert y da valorisé i lüsc dolomitics incëria. Tres le dialogh danter ert y natöra ón sostigní y fá crësce les conescënzes dla storia, dla cultura y dles tradiziuns dl post, aspec che se müda tl tëmp. I vijitadus gnará tocá ince a livel emozional dala combinaziun inredora de na bela contrada, da na architetöra zënza tëmp y da na ert de inovaziun. La tematica de chësta ediziun é CONTRAST, ajache al vëgn, scebëgn che al nasces n intreciamënt, na integraziun dl’opera d’ert tla natöra, impó a se le dé n contrast danter l’intervënt dla porsona y l’evoluziun naturala che fej pert dl ambiënt. An pó vijité la mostra dai 01/07 cina ai 09/09.

I artisc selezioná.

 
 


Loc. 1, Strada de La Vena
Collettivo artistico Luca Rossi,
Imola, ITA

 

Loc. 2. Ciastel de Tor
Adam James, Margate, UK

 


Loc. 3. Les Viles, Seres
Luca Roncoroni, Droebak, NO

Loc. 4 Pares
David Duzzi, Bolzano, ITA

 
 

Loc. 5. Munt d'Adagn
Amin Hak-Hagir, Irene Hopfgartner, Wien, AUT

 

Loc. 6. Pra de Pütia
Ilyn Wong, Berlin, D

Loc. 7. Chi Jus
Luca Chiesura, Belluno, ITA

 
 

Loc. 8 Plan de Corones
Gaia Lionello, Mestre, ITA

 
 

Loc. 9. Fanes
Fabiano De Martin Topranin, Bolzano, ITA

 
 
.
cartina2.jpg
 

La iuria.

 
 
Not Vital, (é nasciü tl 1948 a Sent, tl Grijun, Svizra) á studié a Paris y a Roma denant co se trasferí a New York tl 1976. Te süa cariera da artist se al dé jö prinzipalmënter sciöche scultur, mo ince cun stampes, dessëgns y proiec de architetöra. Vital condüj na vita da nomadich, y chësc influenzëia diretamënter so laur, ince deache al vëgn a contat y a conescënza de materiai o artejanat locai. Website: www.notvital.com

Not Vital, (é nasciü tl 1948 a Sent, tl Grijun, Svizra) á studié a Paris y a Roma denant co se trasferí a New York tl 1976. Te süa cariera da artist se al dé jö prinzipalmënter sciöche scultur, mo ince cun stampes, dessëgns y proiec de architetöra. Vital condüj na vita da nomadich, y chësc influenzëia diretamënter so laur, ince deache al vëgn a contat y a conescënza de materiai o artejanat locai.
Website: www.notvital.com

Gianluca D'Incà Levis, laureé en architetöra ala IUAV de Aunejia, é curadú d’ert y critich. Ideadú de Dolomiti Contemporanee (2011), curadú de Progettoborca y diretur dl Nuovo Spazio di Casso. Al mët man dl 2010, âl invié ia na seria de proiec curatoriai y de reflesciuns che mët en relaziun l'ert contemporanea, la cultura dl’innovaziun, le recuperé de sic tralasciá, y la munt sciöche lerch-areal de costruziun a chëra che al aplichëia n prozess de regeneraziun, culturala y funzionala. Websites: www.dolomiticontemporanee.net – www.twocalls.net – www.progettoborca.net

Gianluca D'Incà Levis, laureé en architetöra ala IUAV de Aunejia, é curadú d’ert y critich.
Ideadú de Dolomiti Contemporanee (2011), curadú de Progettoborca y diretur dl Nuovo Spazio di Casso.
Al mët man dl 2010, âl invié ia na seria de proiec curatoriai y de reflesciuns che mët en relaziun l'ert contemporanea, la cultura dl’innovaziun, le recuperé de sic tralasciá, y la munt sciöche lerch-areal de costruziun a chëra che al aplichëia n prozess de regeneraziun, culturala y funzionala.
Websites: www.dolomiticontemporanee.netwww.twocalls.netwww.progettoborca.net

 
Letizia Ragaglia Letizia Ragaglia à stlüt jö i stüdi te museologia y ert contemporana tl Université de Firenze y Bologna, y inće tl École du Louvre y la Sorbonne de Paris. Ara à laurè desco curadessa freelance spezialisada por proieć por posć publics por cunt de istituziuns desvalies talianes y internazionales. Ara à fat pert dla iuria por la 54. Bienala de Aunejia. Dal 2009 è Letizia Ragaglia direturia dal Museion de Balsan. Website: www.museion.it

Letizia Ragaglia Letizia Ragaglia à stlüt jö i stüdi te museologia y ert contemporana tl Université de Firenze y Bologna, y inće tl École du Louvre y la Sorbonne de Paris. Ara à laurè desco curadessa freelance spezialisada por proieć por posć publics por cunt de istituziuns desvalies talianes y internazionales. Ara à fat pert dla iuria por la 54. Bienala de Aunejia. Dal 2009 è Letizia Ragaglia direturia dal Museion de Balsan. Website: www.museion.it

 
Lois Anvidalfarei é nasciü a Badia dl 1962. Dl 1976 al 1981 stüdiel tl Istitut d’ert y tla scora a Urtijëi Dl 1983 stüdiel tl’Academia dles Erts Figuratives de Viena. Dal 1989 vìrel y laora a Badia. Dl 2011 àl tut pert ala Bienala a Aunejia y dl 2013 àl na mostra personala al MACRO a Roma. Website: www.loisanvidalfarei.it

Lois Anvidalfarei é nasciü a Badia dl 1962. Dl 1976 al 1981 stüdiel tl Istitut d’ert y tla scora a Urtijëi Dl 1983 stüdiel tl’Academia dles Erts Figuratives de Viena. Dal 1989 vìrel y laora a Badia. Dl 2011 àl tut pert ala Bienala a Aunejia y dl 2013 àl na mostra personala al MACRO a Roma.
Website: www.loisanvidalfarei.it

Michael Petry, (é nasciü tl Texas dl 1960) vir a Londra dal 1981. Al á studié ala Rice University, Houston (BA), London Guildhall University (MA), y á n dotorat te Arts from Middlesex University. Petry é n artist, autur y diretur dl Museum of Contemporary Art (MOCA) London, y curator guest por Futurecity.  Al á daidé mëter n pé le Museum of Installation, y é ste curadú guest al Kunstakademiet, Oslo, y Research Fellow ala University of Wolverhampton y é ste curadú ala Royal Academy Schools Gallery. Petry é n sostenidú dl Royal British Society of Sculptors (FRBS) y dl Brother of the Art Workers Guild.
Website: www.michaelpetry.net

 
 
 
 
Screen Shot 2016-11-23 at 16.38.05.png
 

.

IMG_2313_GW.jpg